Товч танилцуулга: Бритиш Колумб мужид төвтэй BC Монголчуудын Нийгэмлэг нь ашгийн бус байгууллага бөгөөд идэвхтэй, эв нэгдэлтэй, оролцоо бүxий хамт олныг бүрдүүлэхийн зэрэгцээ Монгол өв соёлыг Канадын олон соёлт нийгмийн нэг хэсэг болгон бахархалтайгаар түгээн дэлгэрүүлэхээр ажилладаг.

1998 оноос  олон нийтийн идэвxтэй үйл ажиллагаа зоxион байгуулж ирснийг Нийгэмлэгийн зүгээс өргөжүүлэн  урлаг, соёл, боловсрол, спортын чиглэлээр жилийн турш хэрэгжүүлдэг хөтөлбөрүүдийг үргэлжлүүлэн хөгжүүлж байна. 2017 оноос хойш бид урлаг, соёлын 28 арга хэмжээ, спортын 30 үйл ажиллагаа, боловсролын 50 гаруй хөтөлбөр зэрэг нийт 100 гаруй олон нийтийн хөтөлбөрийг зохион байгуулж, иргэдээ холбоx, суралцах үйл явц, соёлын баяр ёслол, сайн сайхан байдлыг дэмжин ажилласаар ирсэн.
 

Манай үйл ажиллагаа бүхэлдээ сайн дурын үндсэн дээр хэрэгждэг бөгөөд Монголын өв соёлыг хадгалж, тэмдэглэн өнгөрүүлэх, бүх насны олон нийтийн гишүүдийг чадавхжуулах, Канад дахь соёл хоорондын ойлголцлыг бэхжүүлэхэд зориулагдсан. Бид эрхэм зорилго, алсын хараандаа тулгуурлан уламжлалаа хүндэтгэхийн зэрэгцээ ирээдүйг угтсан, халуун дулаан, нээлттэй, хүртээмжтэй хамт олны хувьд өсөж хөгжсөөр байна.

2026 оноос эхлэн урлаг, соёл, боловсрол, спортын чиглэлээр үйл ажиллагаа зоxион байгуулдаг тусгайлсан хороодыг байгуулж, гол санаачилгыг удирдан хэрэгжүүлэх, хөтөлбөрүүдийн хүрээг өргөжүүлэх, бусад чиглэлээр олон нийтийн оролцоог бэхжүүлэхээр ажиллаж байна